Ağcabədidə hüquq-mühafizə orqanlarının əməkdaşları xeyriyyə aksiyasına qoşuldu – FOTO

Ağcabədidə hüquq-mühafizə orqanlarının əməkdaşları tərəfindən “Evdə qal” devizi altında aksiya keçirilib.

Daxili İşlər Nazirliyinin Mətbuat Xidmətindən verilən məlumata görə, Rayon Prokurorluğunun, Dövlət Təhlükəsizlik Xidmətinin yerli qurumunun və Polis Şöbəsinin əməkdaşlarının birgə təşəbbüsü ilə rayon ərazisində yaşayan aztəminatlı ailələrə və tənha yaşayan yaşlı insanlara müxtəlif ərzaq məhsullarından ibarət sovqatlar verilib.

Eləcə də hər bir sakinlə maarifləndirici söhbətlər aparılıb, koronavirusa səbəb ola biləcək bütün mənfi hallar barədə geniş məlumat verilib. Virusun tez bir zamanda qarşısının alınması məqsədilə həyata keçirilən sosial izolyasiya tədbirlərinə riayət edilməsinin önəmli olduğu vurğulanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir