Azərbaycan könüllüləri “Könüllü Donor” kampaniyasına başladılar – FOTO

Koronavirus (COVİD-19) qlobal pandemiyası ilə əlaqədar qan qıtlığı səbəbindən Azərbaycanda talassemiya və hemofiliya xəstəliyindən əziyyət çəkən, təcili əməliyyata ehtiyacı olan şəxslərin həyatı üçün təhlükə yarana bilər.

Son günlərdə donorların sayında kəskin azalmanın müşahidə olunması qeyd olunan şəxslər üçün həyati əhəmiyyət kəsb edən qan tədarükünü, demək olar ki, mümkünsüz edib.

Mövcud vəziyyət, ölkədə qeydiyyatda olan və gündəlik qana ehtiyacları olan talassemiya xəstələri, xüsusən də uşaqlar üçün böyük həyat riskinə səbəb olmaqdadır.

Bununla əlaqədar ölkənin 18 aparıcı könüllü təşkilatı və hərəkatının birləşdiyi Azərbaycan Könüllülərinin Əlaqələndirmə Mərkəzi və Milli Hematologiya və Transfuziologiya Mərkəzi – Qan Bankı tərəfindən “Könüllü Donor” aksiyasına start verilib. Bu çərçivədə, Qan Bankının paytaxt və regionlarda yerləşən bölmələrinə könüllülər tərəfindən qan verilməsi nəzərdə tutulur.

Azərbaycan Könüllülərinin Əlaqələndirmə Mərkəzi və Qan Bankı bütün vətəndaşları bu təşəbbüsə qoşularaq, həmrəylik nümayiş etdirməyə və qana ehtiyacı olan xəstələrə, əsasən də talassemiyalı uşaqlara yardımçı olmağa, damarlarında axan qanı hədiyyə etməyə çağırır.

“Könüllü Donor” olmaq istəyən şəxslər Milli Hematologiya və Transfuziologiya Mərkəzi – Qan Bankının bölgə bölməsinin (Bakı, Şirvan, Lənkəran, Quba, Şəki, Mingəçevir, Bərdə və Gəncədə) burada qeyd olunmuş nömrələri ilə əlaqə saxlayıb yaxınlaşa bilərlər:

Mərkəzi Qan Bankı: Bakı şəhəri, Mirəli Qaşqay küçəsi 87.

Tel.: 907

Şirvan bölgə bölməsi: Heydər Əliyev pr.16. Şirvan şəhər Mərkəzi Xəstəxanası.

Tel: 0212150029

+99450 390 94 33

Lənkəran bölgə bölməsi: Nizami küçəsi 67. Lənkəran Mərkəzi xəstəxanası.

Tel: 02525 4-09-75

+99450 315 54 72

Quba bölgə bölməsi: Fətəli Xan küçəsi 10. Tibb Kollecinin binası.

Tel: 02333 5-38 -01

+99450 478 6477

Şəki bölgə bölməsi: M.Ə.Rəsulzadə küçəsi 164.

Tel: 024-244-25-90

+99455 537 60 15

Mingəçevir bölgə bölməsi: 20 yanvar küçəsi, Mingəçevir Şəhər Mərkəzi Xəstəxanası

C korpusu.

Tel: 0242743870

+99450 550 66 60

Bərdə bölgə bölməsi: N. Nərimanov küçəsi 2.

Tel:020 205 02 90

+99451 362 36 36

Gəncə bölgə bölməsi: Gəncə şəhəri, Sabir Hacıyev küçəsi 2.

Tel: 252 08 45

+99455 643 45 41

Könüllü donorlardan qan verməyə gəlməzdən öncə Mərkəzi Qan Bankının müvafiq bölgə bölməsi ilə bir saat əvvəldən əlaqə saxlayıb məlumat vermələri xahiş olunur.

Donor olmaq istəyən şəxslər yaşayış yerini tərk etmək üçün icazə almaq məqsədilə 8103 nömrəsinə bir rəqəmini (təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini tərk etmək üçün) və şəxsiyyətini təsdiq edən məlumatı göndərməlidir (məsələn: 1  AZE11111111).

Yaşayış yerini tərk etmək üçün icazə rayon və şəhər daxilində iki saat müddətinə verilir, rayonlar və şəhərlərarası hərəkət zərurəti yarandıqda olduğu ünvanla getməli olduğu ünvan arasında məsafə və müalicə prosedurunun müddəti nəzərə alınır, geri qayıtma müddəti həkim tərəfindən verilən arayışla müəyyən edilir və zərurət olduqda polis əməkdaşlarına təqdim edilir.

Donorlar fiziki baxımdan sağlam, çəkisi 50 kq-dan yuxarı, yaş həddi 18-65 arasında olmalıdır. Aksiya zamanı donorların və onlarla işləyən tibb işçilərinin təhlükəsizliyini təmin etmək üçün aidiyyəti qurumlar tərəfindən bütün zəruri təhlükəsizlik tədbirləri həyata keçiriləcək.

Hər bir donordan qan analizi götürülərək sağlam olub-olmamaları müəyyənləşdiriləcək və səhhətində problemi olmayan donorlardan götürülən qan nümunələri laboratoriyada müayinə edildikdən sonra qan xəstəliyindən əziyyət çəkən şəxslərə yardım etmək məqsədilə istifadə olunacaq.

Qan bağışlamaq tam təhlükəsiz bir prosesdir, donor olmaqdan çəkinmə! Sən də damarlarında axan qanla onların həyat qurtaran qəhrəmanı ol!

Unutmayın ki, biz birlikdə güclüyük!

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir