“Belə musiqi mədəniyyətimiz olan sahədə Afət kimilər nə edirsə, düz edir…”

“Bunları da nazirliklər pul qazanmaq üçün təşkil edib.  Zeynəb xanım Xanlarovanın, Rəşid Behbudovun, Bülbülün, Müslüm Moqamayevin xidmətləri olub. Bəs bu günki Xalq artistləri kimdir? Habil Əliyev hara, Səməd Səmədov hara? Bunları bir-birinin yanına necə qoyaq?”
Bunu  açıqlamasında müğənni Əli Mirəliyev deyib. Ə.Mirəliyev müğənni Afət Fərmanqızının fikriylə razılaşdığını bildirib:
“Afət düz deyir, elə onun dediləri bizim sözümüzdür. Dünyanın heç bir yerində müğənnilərin fəxri adı yoxdur. Ancaq SSR-i məkanında bu var. Bunları da nazirliklər pul qazanmaq üçün təşkil edib.  Zeynəb xanım Xanlarovanın, Rəşid Behbudovun, Bülbülün, Müslüm Moqamayevin xidmətləri olub. Bəs bu günki Xalq artistləri kimdir? Habil Əliyev hara, Səməd Səmədov hara? Bunları bir-birinin yanına necə qoyaq? Olmur axı belə şeylər. O boyda Hüseynağa Hadıyev, Akif İslamzadə, Qulu Əsgərov, Rübabə, Nərminə Məmmədova və nəhayət ki, Əli Mirəliyev var. Bunu necə başa düşək? Bizim kimi adamlar qalıb qıraqda, toy bazarına işləyənlər Xalq artisti olublar. Bu çox gülməlidir. Bəstəkar Tahir Əkbərin də qızı çıxışıma reaksiya verdi, o, da həmin siyahıda var. Məmməd Salmanov xorda oxuyub, öldü getdi, heç bir ad sahibi olmadı. Azərbaycan musiqisinə xidmət etmiş, xaricdə bayrağımızı qaldıran insanlar qıraqda qalıb. Gecə kulubunda oxuyan Miryusif kimi adamlara Xalq artisti fəxri adı verirlər. Afət fəxri addan danışmasın, bizim kimi onun xidmətləri olmayıb. Mənim bu qədər xidmətlərim olub.
Afət gündəmə gəlmək üçün bilmir nə etsin. Amma işiylə məşğul olsun. Belə musiqi mədəniyyətimiz olan sahədə Afət kimilər nə edirsə, düz edir. Azərbaycan musiqisi üçün oxuduq bizə neylədilər? Amma toy bazarına işləyənlər “at oynadır”.
Qeyd edək ki, müğənni Afət Fərmanqızı fəxri ad almaq istəyənləri tənqid edib. Müğənni deyib ki, “Heç görmüsünüz ki, Amerikada kimsə Xalq artisti olsun? Amerikanın Xalq artisti Maykl Cekson söhbəti yoxdur. Ona görə də bu adlar boş-boş məsələlərdir”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir